စီမံကိန်းဘဏ်နှင့် ဆုံးရုံးသွားသည့် စီမံကိန်းများ
ရင်းနှီးမြှုပ်နှံမှုသည်အောင်မြင်သည့်နိုင်ငံများ၏ အခြေခံသော့ချက်ဖြစ်သည်။ Morgan Stanley Investment Management ၏ Chief Global Strategistဖြစ်သည့်Ruchir Sharma ကသူ၏ “Ten Rules for Successful Nations” စာအုပ်တွင်နိုင်ငံတစ်နိုင်ငံဖွံ့ဖြိုးတိုးတက်ရန်အတွက်ရင်းနှီးမြှုပ်နှံမှုလိုအပ်သည်။ နှစ်စဉ်ဂျီဒီပီ၏ ၂၅%မှ၃၅% အတွင်းစက်မှုကဏ္ဍနှင့်လျှပ်စစ်၊လမ်းပန်းကဲ့သို့သောအခြေခံအဆောက်အအုံများ၌ ရင်းနှီးမြှုပ်နှံမှုများပြုလုပ်နိုင်သည့်နိုင်ငံများသည်ဖွံ့ဖြိုးတိုးတက်လာသည်ကိုတွေ့ရသည်ဟုရေးသားထားသည်။ ဤနေရာတွင်ရင်းနှီးမြှုပ်နှံမှုများဆိုသည်မှာနိုင်ငံ၏ ရေရှည်ဖွံ့ဖြိုးတိုးတက်မှုကိုအထောက်အကူပြုမည့်စီမံကိန်းများကိုဆိုလိုခြင်းဖြစ်သည်။
